गेवराई येथे महाविकास आघाडीच्या सभेला हजारोंच्या संख्येने उपस्थित राहा- पुजा मोरे
महाविकास आघाडीतील राष्ट्रवादी काँग्रेस शरदचंद्र पवार पक्षाचे बीड लोकसभेचे उमेदवार बजरंग सोनवणे यांच्यासाठी बुधवारी दि.८ रोजी पक्षाचे प्रदेशाध्यक्ष जयंत पाटील यांची गेवराईमध्ये जाहीर सभा होणार आहे. तरी या सभेसाठी बीड जिल्ह्यातील जनतेने उपस्थित राहावे असे आवाहन पुजाताई मोरे यांनी केले आहे.
बीड जिल्ह्याला मागील दहा वर्षांपासून भाजपा सरकारने सर्वसामान्य जनतेला आणि शेतकऱ्याला देशोधडीच लावण्याचे काम केले आहेत. दहा वर्षात पंतप्रधान नरेंद्र मोदी यांनी उद्योगधंदे उभारले नसून महाराष्ट्रातील उद्योग गुजरातला घेऊन गेलेले आहे. यामुळे बेरोजगारी वाढलेली आहे. जिल्ह्यामध्ये विकास नाही. येथील राजकीय पुढाऱ्यांनी शेतकऱ्यांच्या शेतीच्या सिंचनाचा प्रश्न आणखीनही सोडला नाही. विद्यमान खासदार आणि बीड जिल्ह्यातील सत्ताधारी नेत्यांनी जनतेला विकासापासून वंचित ठेवले आहे. सर्वसामान्य जनता आता भ्रष्टाचाराला, घराणेशाहीला कंटाळली आहे. ही घराणेशाही संपविण्यासाठी आणि बीड लोकसभा उमेदवार बजरंग सोनवणे यांच्या प्रचारार्थ राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील व माजी आरोग्य मंत्री श्री. राजेश भैय्या टोपे यांची गेवराईमध्ये दि.०८ मे २०२४ रोजी सकाळी १० वाजता भाग्यलक्ष्मी लॉन्स , कोल्हेर रोड येथे जाहीर सभा होणार आहे. या सभेसाठी बीड जिल्ह्यातील नामवंत दिग्गज नेते, इंडिया आघाडीचे सहकारी पक्षांचे पदाधिकारी नेते येणार आहे. तरी या सभेस बीड जिल्ह्यातील सर्व मतदार जनतेनी हजारोंच्या संख्येने उपस्थित राहावे असे आवाहन राष्ट्रवादी काँग्रेस किसान आघाडीच्या प्रदेशाध्यक्षा पुजाताई मोरे यांनी केले आहे.
