आमचे आमदार साहेब १२ च्या आत दिसत नाहीत आणि ६ च्या नंतर भेटत नाहीत-अमरसिंह पंडित.
🔸अशोक काळकुटे | संपादक
आमच्या आमदार साहेबांना जास्त गांभीर्याने घेण्याची गरज नाही कारण आमच्या आमदार साहेबांचं कसंय १२ च्या आत दिसत नाहीत आणि ६ च्या नंतर भेटत नाहीत असा टोला माजी आमदार व राष्ट्रवादी काँग्रेस पक्षाचे प्रदेश सरचिटणीस अमरसिंह पंडित यांनी गेवराई चे विद्यमान आमदार लक्ष्मण पवारांना कोविंड सेंटर संदर्भात बोलताना लगावला आहे. ते आज सूर्योद्यशी लाईव्ह विशेष चर्चा सत्रात बोलत होते.
आज बीड येथे सूर्योदय च्या लाईव्ह विशेष चर्चासत्रात संवाद साधताना अमरसिंह पंडित यांना गेवराई येथे उभारण्यात आलेल्या २०० बेडच्या कोविंड सेंटर स्वखर्चाने केल्याचे आपण सांगत आहात परंतु विद्यमान आमदार म्हणत आहेत की आपण ९ लाख रुपये सरकारकडे मागितले आहे आणि आमदारांनी या कोविंड सेंटर ला परवानगी देण्यात येऊ नये अशीही मागणी केली आहे… हा प्रश्न उपस्थित केल्यानंतर त्यांनी पुढे बोलताना म्हटले कि, मी सामाजिक जाणिवेतून हे कोविड सेंटर उभारलेलं आहे यामुळे मी कोणाकडे पैसे मागितलेले नाहीत यामध्ये काहीही तथ्य नसल्याचे म्हटले आहे. पुढे बोलताना ते म्हणाले की गेवराई च्या विद्यमान आमदारांना जनताच गांभीर्याने घेत नाही यामुळे त्यांना गांभीर्याने घेण्याची गरज नाही.
आमच्या आमदार साहेबांचं कसंय १२ च्या आत दिसत नाहीत आणि ६ च्या नंतर भेटत नाहीत असा ही टोला लगावला आहे.
दरम्यान बीड जिल्हा कोविड सेंटर मध्ये काल स्टिंगमधुन उघड झालेला प्रकार गंभीर असून तात्काळ कारवाई करण्याची गरज आहे. आणि ती झालीच पाहिजे अशी मागणी केली आहे.
काल बीड जिल्हा कोविड सेंटरमध्ये रूग्णांना रेमडेसिविर इंजेक्शन न देताच दिल्याची नोंद होत असल्याचा धक्कादायक खुलासा झालेला आहे. या विषयावर ते बोलत होते.
पुढे बोलताना पुन्हा “मी गावचा पाटील” म्हणणारा हा पाटील उठतो १२ ला गायब होतो ४ ला असा टोला लगावत आमदार लक्ष्मण पवार हे कार्यसम्राट नसुन कामचुकार आहेत असेच सांगण्याचा त्यांचा उद्देश होता ?
