सोलापूर संपादक – महेश पवार
वारस नोंदीच्या हरकतीवर सुनावणी होऊन तक्रारदार यांच्या बाजूने निकाल देण्यासाठी पंचवीस हजार रुपयाची लाच मागितल्याने मंडल अधिकार्‍यासह कोतवालास दोन वेळा पडताळणी करून अँटीकरप्शन विभागाने ताब्यात घेतले आहे.
1) मदनसिंग सुपडसिंग परदेशी वय 35 वर्षे, पद- मंडल अधिकारी, अपर तहसील कार्यालय मंद्रुप ता. दक्षीण सोलापूर, 2) मल्लिनाथ रेवणसिध्द बाळगी वय 36 वर्षे, पद- कोतवाल, अपर तहसील कार्यालय मंद्रुप ता. दक्षीण सोलापूर.या दोघांना लाच लुचपत विभागाने ताब्यात घेतले आहे.
प्राप्त तक्रारीनुसार तक्रारदार यांनी मंडळ अधिकारी कार्यालय येथे दिलेल्या वारस नोंदीच्या हरकती अर्जावर सुनावणी होवून तक्रारदार यांचे बाजुने निकाल देणेसाठी यातील आरोपी कोतवाल मल्लिनाथ बाळगी यांनी मंडळ अधिकारी परदेशी यांचे करिता म्हणुन तक्रारदार यांचेकडे 25 हजार रुपये लाचेची मागणी केली व त्याबाबत खात्री करुन देणे करिता तक्रारदार यांचे मंडळ अधिकारी परदेशी यांच्याशी फोनवरुन बोलणे करुन दिले असता मंडळ अधिकारी परदेशी यांनी त्यास संमती दिल्याने दोन्ही आरोपींना ताब्यात घेवून त्यांच्याविरुध्द गुन्हा दाखल करण्याची प्रक्रिया चालु आहे.
ही कारवाई पोलीस निरीक्षक उमाकांत महाडीक, पोलीस अंमलदार- पोह शिरीषकुमार सोनवणे, पोलीस नाईक अतुल घाडगे, पोलीस शिपाई स्वप्नील सण्णके,पोलीस शिपाई उडानशिव सह अँन्टी करप्शन ब्युरो सोलापूर यांनी केली.
