प्रभाकर महाराज पुण्यतिथी उत्सवानिमित्त गुळवंची येथे 24 ते 27 फेब्रुवारीपर्यंत विविध धार्मिक कार्यक्रमांचे आयोजन

सोलापूर संपादक – महेश पवार

प्रतिनिधी- संतोष विभूते

सोलापूर बार्शी रस्त्यावरील गुळवंची येथील सदगुरूनाथ श्री प्रभाकर महाराज मंदिरात प्रभाकर महाराज यांच्या 67 व्या पुण्यतिथी निमित्त शनिवार दि. 24 ते मंगळवार दि.27 फेब्रुवारीपर्यंत विविध धार्मिक कार्यक्रमाचे आयोजन करण्यात आल्याची माहिती मंदिर समितीचे अध्यक्ष भारत तांबे यांनी दिली .

सद्गुरू प्रभाकर महाराज यांच्या 67 व्या पुण्यतिथी ‎महोत्सवानिमित्त दिनांक 24 ते 27 फेब्रुवारीपर्यंत दररोज महापूजा, आरती,प्रसाद आदी कार्यक्रम होतील. शनिवारी (दि.24 )फेब्रुवारी रोजी सांयकाळी 8 वाजता पालखी प्रदक्षिणा सोहळ्याचे आयोजन करण्यात आले आहे. पालखी प्रदक्षिणा झाल्यानंतर आरती करून महाप्रसाद वाटप होईल.
रविवारी (दि. 25) रात्री 10.45 वाजता‎ गुलालाचा कार्यक्रम होणार आहे. .25 ते 26 फेब्रुवारी पर्यंत दररोज महापुजा,आरती व महाप्रसाद केला जाणार आहे. उत्सवाची सांगता 27 फेब्रुवारी रोजी गाव प्रदक्षिणा करून होणार आहे. या सर्व धार्मिक कार्यक्रमांना मोठ्या संख्येने भक्तांनी उपस्थित राहण्याचे आवाहन गुळवंची येथील सदगुरु श्री प्रभाकर मंदिर समितीने केले आहे.