वरवठणे कोंड येथे श्री.हनुमान मुर्ती प्राणप्रतिष्ठा व मंदिर लोकार्पण सोहळा
वरवठणे कोंड ग्रामस्थ मंडळ,ग्राम विकास मंडळ.मुंबई व गुरुकृपा महिला मंडळ यांच्या संयुक्त विद्यमाने कार्यक्रमाचे आयोजन
म्हसळा प्रतिनिधी – अबरार अमीन
म्हसळा तालुक्यातील वरवठणे कोंड येथे २८ जानेवारी २०२३ रोजी दुपारी ३ वाजता श्री.हनुमान मंदिराचे लोकार्पण व मुर्ती प्राणप्रतिष्ठा सोहळा आयोजित करण्यात आला आहे, यानिमित्त विविध सांस्कृतिक व धार्मिक कार्यक्रमाचे आयोजन वरवठणे कोंड ग्रामस्थ मंडळ,ग्राम विकास मंडळ.मुंबई व गुरुकृपा महिला मंडळ यांच्या वतीने करण्यात आलेले आहेत.
यासह गुरुवारी २६ जानेवारी २०२३ रोजी सकाळी ९ वाजल्यापासुन धार्मिक कार्यक्रम, मिरवणूक, पूजन विधी व सुस्वर भजन. त्या नंतर शुक्रवारी २७ जानेवारी २०२३ रोजी सकाळी कलश रोहन,श्री.मुर्ती प्राणप्रतिष्ठापणा, श्री.शिवलिंग महाभिषेक व सांस्कृतिक कार्यक्रमांचे आयोजन करण्यात आले आहे. पुढे शनिवार २८ जानेवारी २०२३ रोजी सकाळी ११ वाजता सत्य नारायण महापूजा आणि दुपारी ठीक ३ वाजत उद्घाटन समारंभ व प्रमुख मान्यवरांचा सत्कार समारंभ आयोजीत करण्यात आले आहे. विशेष म्हणजे भारतीय सैन्य दलाच्या सुभेदारांना उदघाटक म्हणून आमंत्रित करण्यात आले असून त्यांच्या हस्ते मंदिराचे उदघाटन करण्यात येणार आहे.
तरी सदर कार्यक्रमास भाविक भक्तांनी उपस्थित राहुन कार्यक्रमाची शोभा वाढविण्याची विनंती वरवठणे कोंड ग्रामस्थ मंडळ,ग्राम विकास मंडळ.मुंबई व गुरुकृपा महिला मंडळ यांच्या वतीने करण्यात आली आहे.