बीड / नेकनूर :- बीड लोकसभेचे राष्ट्रवादी काँग्रेस पक्ष शरदचंद्र पवार पक्षाचे व इंडिया आघाडीचे उमेदवार बजरंग सोनवणे यांच्या प्रचारार्थ माजी आ. पृथ्वीराज साठे यांनी नेकनूर परिसरातील गावांना भेटी देत मतदारांशी संवाद साधला.
माजी आमदार पृथ्वीराज साठे हे बजरंग सोनवणे यांना निवडून आणण्यासाठी सरसावले आहेत. त्यांनी अंबाजोगाई शहर व परिसरातील गावे पिंजून काढले. सोमवारी नेकनूर व परिसरातील आनंदवाडी, मांडवखेल, कळसंबर, भंडारवाडी, जैताळवाडी या गावांमध्ये भेटी देत बैठका घेऊन नागरिकांशी संवाद साधला. यावेळी त्यांच्या सोबत राष्ट्रवादी काँग्रेस शरद पवार गटाचे विधानसभा प्रमुख सुरेश पाटील, शंकर जाधव, नवनाथ देवगुडे, अनिल जाधव, हनुमंत घाडगे, शिवाजी चौधरी, विनोद चाटे, संजय शिंदे, महिला आघाडीच्या संजीवनी देशमुख, तस्लिम इनामदार, कैलास चाळक, विठ्ठल वैरागे, युवराज मगर यांच्यासह कार्यकर्ते उपस्थित होते.
दरम्यान, मराठा व ओबीसी आरक्षण व एनआरसी याच्या पार्श्वभूमीवर मतदारांचा मोठा वाढता पाठिंबा मिळत असून अबकी बार भाजप हद्दपार करणारच. असा चंग माजी आ पृथ्वीराज साठे यांनी बांधला आहे.