पंकजाताई मुंडे यांच्या प्रचारार्थ डॉ.योगेश क्षीरसागर यांचा बैठकांचा सपाटा

बीड प्रतिनिधी;-दि.१७ : महायुतीच्या बीड लोकसभेच्या उमेदवार पंकजाताई मुंडे यांच्या प्रचारार्थ राष्ट्रवादी काँग्रेस पक्षाचे बीड विधानसभा अध्यक्ष डॉ.योगेश क्षीरसागर यांनी बैठक, कॉर्नर बैठकांचा सपाटा लावला आहे. त्यांनी बुधवारी (दि.१७) बीड तालुक्यातील चौसाळा जिल्हा परिषद गटातील प्रमुख सहकाऱ्यांची बैठक घेऊन संवाद साधला. यावेळी बोलताना त्यांनी आपण पंकजाताई मुंडे यांच्या पाठीशी खंबीरपणे उभे राहणार असल्याचे त्यांनी म्हटले.

डॉ. योगेश क्षीरसागर यांनी चौसाळा जिल्हा परिषद गटातील राष्ट्रवादी काँग्रेस पक्षाच्या पदाधिकारी, कार्यकर्त्यांशी थेट संवाद साधला. यावेळी सर्व सहकाऱ्यांनी पूर्ण ताकदीने कामाला लागावे. पंकजाताईंना मोठ्या मताधिक्याने निवडून आणण्यासाठी प्रयत्न करावेत, असे आवाहन त्यांनी केले. यावेळी डॉ.सारिकाताई क्षीरसागर, माजी पं.स.चे माजी सभापती काकासाहेब जोगदंड, शिवसेना मा.जिल्हाउपाध्यक्ष प्रा.आबासाहेब जाधव, मोहनराव झोडगे, अशोक सोनवणे, शुभम कातांगळे, सरपंच सुनिल अनपट, संतोष तांदळे, गणेश काकडे, राजाभाऊ क्षीरसागर, विवेक भोसले, पंकज शिंदे, मधुकर काळे, शहाजी चौधरी, बबलू शिंदे, अरुण सोनवणे, मोहन जोगदंड, अरुणकाका जोगदंड, सौ.फुलाबाई पवार, बालाजी ढास, इम्रान जागीरदार, अनिल पवार यांच्यासह राष्ट्रवादी काँग्रेस पक्षाचे पदाधिकारी, कार्यकर्ते उपस्थित होते.

चौसाळा येथील बैठकीत अंजनवतीचे उपसरपंच कृष्णा मोरे, ग्रा.पं. सदस्य पांडुरंग येडे यांच्यासह काही युवकांनी राष्ट्रवादी काँग्रेस पक्षात प्रवेश केला. याप्रसंगी डॉ.योगेश क्षीरसागर यांनी त्यांचे स्वागत करून त्यांना पुढील वाटचालीसाठी शुभेच्छा दिल्या.

बैठकीनंतर डॉ.योगेश क्षीरसागर दिवसभर पंकजाताईंसोबत दौऱ्यात

चौसाळा येथील बैठकीनंतर डॉ.योगेश क्षीरसागर महायुतीचे उमेदवार पंकजाताई मुंडे यांच्यासोबत दिवसभर दौऱ्यात सोबत होते. बीडमध्ये पंकजाताई मुंडे यांच्या प्रचारार्थ प्रज्ञावंतांचा मेळावा पार पडला. यावेळी डॉ.क्षीरसागर हे प्रमुख अतिथी म्हणून उपस्थित होते. त्यांनी उपस्थित संबोधित केले. तसेच, पंकजाताई मुंडे यांच्यासमवेत शहरातील संत सावता माळी यांच्या नियोजित मंदिर जागेची पाहणी केली. त्यानंतर बीड शहरातील श्रीराम नवमीनिमित्त आयोजित शोभायात्रेत सहभागी होऊन पंकजाताई यांच्यासमवेत श्रीरामाच्या प्रतिमेचे दर्शन घेतले.