गणपती विसर्जन मिरवणुकीत डीजेबरोबर वापर्यंत आलेल्या लेझर लाईटमुळे सहा रुग्णांच्या दृष्टीवर भयानक परिणाम झाल्याचं समोर आल आहे. तब्बल आठ वर्षानंतर नाशिक शहरांमध्ये डीजेला विसर्जन मिरवणुकीमध्ये परवानगी देण्यात आली होती. डीजेच्या तालावर नाचताना बेभान होणाऱ्या तरुणांवर डिजेवर लावलेल्या लेझर लाईटची प्रखर प्रकाश झोत पडल्याने काहींच्या डोळ्यांमध्ये इजा तर काहींच्या डोळ्यांमध्ये काळे डाग निर्माण झाले आहेत. तरुणांच्या डोळ्यावर भाजल्यासारख्या जखमा नेत्ररोग तज्ञांना आढळून आल्या आहेत.
या रुग्णांची नावे गोपनीय ठेवण्यात आली आहेत. अशा प्रकारचा त्रास होत असलेल्या पीडितांनी तातडीने तज्ज्ञांचे मार्गदर्शन घ्यावं असा आवाहन करण्यात आले आहे. नेत्ररोग तज्ञ संघटनेने सोशल मीडियाच्या माध्यमातून याबाबत जनजागृती देखिल सुरू केली असून सरकारने या विषयात गांभीर्याने लक्ष घालण्याची विनंतीही केली आहे. मनसे राज ठाकरेंच्या ट्विटनंतर हा विषय चर्चेत आला असतानाच नाशिकमध्ये असे प्रकरणेच समोर येऊ लागली आहेत.
“रुग्णांनी सांगितले की गणपती मिरवणुकीमध्ये लेझर लाईटसच्या संपर्कात ते आले होते. सर्व रुग्णांनी हेच सांगितले. सर्व रुग्ण हे नाशिक शहरातील होते. याबद्दल आमच्या ग्रुपवर चर्चा झाल्यानंतर नंदुरबार, धुळे आणि मुंबई इथल्या मित्रांनीही याबाबत सांगितले. आम्ही सगळेच जण या रुग्णांची दृष्टी जितकी बचावता येईल यासाठी प्रयत्न करत आहोत. पण ते पूर्णपणे व्यवस्थित होऊ शकणार नाही,” असे नेत्ररोग तज्ज्ञांनी सांगितले आहे.
