पंकज हिरुळकर अमरावती जिल्हा प्रतिनिधि;
अमरावती- श्री.संत गजानन महाराज यांच्या प्रकट दिनाच्या पावन पर्वावर छाया कॉलनी येथील गजानन महाराज मंदिर येथे श्रीमद् भागवत कथेचे आयोजन 25 फेब्रुवारी 2024 ते 3 मार्च 2024 यादरम्यान करण्यात आलेले आहे. त्या अनुषंगाने श्रीमद् भागवत कथेच्या मंडपाचे भूमिपूजन प्रतिष्ठित नागरिक समाजसेवक तथा ज्येष्ठ संपादक पत्रकार, विजय ओडे, मंदिराचे सचिव प्रशांत पाटील यांच्या हस्ते तसेच परिसरातील सर्व गजानन महाराज भक्तांच्या उपस्थितीमध्ये करण्यात आले. या श्रीमद् भागवत कथेमध्ये अनेक नामवंत कीर्तनकारांचे कीर्तन, भारुड भजन संध्या, भव्य मिरवणूक व प्रगट दिनाच्या दिवशी भव्य दिव्य महाप्रसाद यासह अनेक कार्यक्रम या श्रीमद् भागवत कथेच्या सप्ताह मध्ये होणार आहे.
या मंडप भूमिपूजनाच्या वेळी ज्येष्ठ संपादक पत्रकार विजय ओडे यांच्यासह मंदिराचे अध्यक्ष विनोद गुहे, सचिव प्रशांत पाटील, उपाध्यक्ष रामभाऊ शेगोकार, मंदिराचे ट्रस्टी ज्ञानेश्वर कळसकर, उमेश राजुरकर, नानाभाऊ काठोळे, सुनील कळसाईत, निलेश चौधरी, मोहन खरड, रवी इंगोले, अमोल वाढोनकर, गोपाल कोल्हे, विजय थोरात, राजू इंगोले, गौरव शेगोकर, सुमित रोहनकर, गौरव काठोले, प्रज्वल खैरे, नूतन सहारे, रत्नम शेगोकार सह मोठ्या संख्येने गजानन महाराज भक्त व परिसरातील नागरिक प्रामुख्याने उपस्थित होते.
