तहसीलदार खोमणे साहेब गेवराई शहरातील संपूर्ण शासकीय जमीन भू-माफिंया यांच्या घशात घालणार का ?
तलाठी पांढरे यांच्या कार्यालयापासून हाकेच्या अंतरावर शासकीय जमिनीवर प्लॉटिंगचा गोरख धंदा सुरू
गेवराई प्रतिनिधी;- गेवराई तहसील कार्यालयास तहसीलदार खोमणे हे रुजू झाल्यापासून शहरातील भू-माफिंयांनी डोके वर काढले आहे. गेवराई शहरात व आजूबाजूच्या परिसरात शासकीय जमिनीवर हे भूमाफिया प्लॉटिंग काढून ती विकत आहेत परंतु याकडे तलाठी पांढरे व तहसीलदार संदीप खोमणे यांचे दुर्लक्ष होताना दिसून येत आहे.
गेवराई शहरांमध्ये शासनाच्या अनेक गायरान जमिनी आहेत परंतु भु-माफिंया त्या जमिनी शासकीय अधिकाऱ्यांशी संगमत करून विकत असल्याचे शहरात बोलले जात आहे. तसेच गेवराई तहसीलला तहसीलदार म्हणून संदीप खोमणे रुजू झाल्यापासून भू-माफियांनी वर डोके काढले आहे. खोमणे यांच्या अगोदर आरक्षित जमिनीवर प्लॉटिंग करणे ओपन पेस न सोडणे असे प्रकार चलत होते परंतु खोमणे आल्यापासून चक्क शासकीय जमिनीवरच प्लॉटिंगचा गोरख धंदा सुरू आहे. तलाठी पांढरे यांच्या कार्यालयापासून हाकेच्या अंतरावर असलेल्या जमिनीवर हा गोरख धंदा मोठा गाजावाजा करून सुरू आहे तर, अनेकांनी तिथे प्लॉट ही बॉण्डवर खरेदी केले असुन प्लॉट खरेदी करणाऱ्यांना ती जमीन शासकीय असल्याची माहिती नसून त्यांची फसवणूक होत असल्याचेही बोलले जात आहे. या सर्व प्रकाराला प्रशासकीय अधिकारी जबाबदार असल्याचे बोलले जात असून त्यांचे ही यात हात ओले झाल्याची चर्चा गेवराई शहरात सुरू आहे.
