सातारा | सातारा महानगर पालिका निवडणुकीला अवघे काही महिने शिल्लेक राहिलेले असताना आता सत्ताधारी पक्षाबरोबर विरोधकांनी सुद्धा जोरदार तयारी सुरु केली आहे. त्यातच आता सत्तेत असलेल्या शिवसेना पक्षाने सुद्धा राज्यातील सत्ता नसलेल्या महानगर पालिकेवर विजयाचा भगवा फडकावण्यासाठी जोरदार तयारी सुरु आहे. याच पार्श्वभूमीवर आज शिवसेना पधाधिकारी आणि कार्यकर्त्यांचा मेळावा पार पडणार आहे.
आज दुपार २:०० वाजता समर्थ मंदिर येथील दैवज्ञ मंगल कार्यालयात होणार असल्याची माहिती शिवसेनेचे उपजिल्हाप्रमुख व मेळाव्याचे संयोजक सचिन मोहिते यांनी दिली. या मेळाव्यास उच्च व तंत्रशिक्षण मंत्री उदय सामंत, गृह राज्यमंत्री शंभूराज देसाई, शिवसेना उपनेते नितीन बानगुडे-पाटील उपस्थित राहणार आहेत. या मेळाव्याला शिवसेनेच्या दिग्गज नेत्यांची उपस्थिती असल्याने या मेळाव्याकडे लोकांचे लक्ष लागले आहे.
सातारा शहर व तालुक्‍यातील कार्यकर्ते व कार्यकारिणी सदस्यांना निमंत्रण देण्यात आले आहे. सातारा पालिका निवडणुकीच्या दृष्टीने शिवसेनेची संघटनात्मक बांधणी सुरू झाली आहे. पक्षाच्यावतीने स्वतंत्र पॅनेल निवडणुकीत उतरवायचे की महाविकास आघाडीचा फार्मुला वापरायचा, याचा निर्णय लवकरच होणार आहे.तसेच या मेळाव्याच्या निमित्ताने पक्षात असलेले मतभेद मिटवण्याचा बानुगडे-पाटील यांचा प्रयत्न आहे. या मेळाव्यात पक्षाची ताकद दिसावी, अशी शिवसैनिकांची अपेक्षा आहे
