महेन्द्र भगत अंजनगाव सुर्जी तालुका प्रतिनिधी;
दिनांक २० एप्रिल रोजी दुपारी चार वाजताच्या दरम्यान अंजनगाव सुर्जी तालुक्यात झालेल्या वादळी वाऱ्यासह पावसामुळे तालुक्यातील चौसाळा येथील एका घराच्या टॉवरची भिंत कोसळली. यामध्ये सुदैवाने कोणतीही जीवितहानी झाली नाही. तालुक्यात झालेल्या वादळी वाऱ्याने थैमान घातले असून तालुक्यात पिकासह झाडांची पडझड तसेच मोठ्या प्रमाणात मालमत्तेचे नुकसान झाले. ग्राम चौसाळा येथील रवींद्र महादेवराव ढोके यांच्या घराच्या टावरची भींत वादळी वाऱ्याने कोसळली असून, ही भिंत 15 फूट रुंद 8 फूट उंच होती वादळी वाऱ्याने गावात अनेक घराची पडझड झाली. सुदैवाने कोणतीही जीवितहानी झाली नसून मालमत्तेचा बरेचसे नुकसान झाले आहे. माहिती मिळताच चौसाळा येथील तलाठी व कोतवाल यांनी रविंद्र ढोके यांच्या पडलेल्या घराच्या भिंतीचा पंचनामा केला.