– पंकज हिरुळकर अमरावती जिल्हा प्रतिनिधि
अंजनगाव सुर्जी तालुक्यातील तूरखेड (आलमपुर) येथे अभंग फाउंडेशन तर्फे छत्रपती शिवाजी महाराज जयंती मोठ्या थाटा – माटात उत्साहाने साजरी करण्यात आली. या निमित्याने सामान्य ज्ञान स्पर्धा परीक्षा आयोजित करण्यात आली. या स्पर्धेच्या युगात कसे पुढे जायचे त्या साठी थोडी माहिती देण्यात आली. तसेच प्राविण्यता प्राप्त विद्यार्थ्यांना प्रोत्साहन पर बक्षीस वितरण करण्यात आले. पंचक्रोशीतील विद्यार्थांनी या स्पर्धेमध्ये सहभाग नोंदविला हा उपक्रम फाउंडेशन चे सभासद गेल्या 3 वर्षांपासुन राबवत आहेत. आणि सांस्कृतिक दिंडी, लेझिम पथक आणि टाळ मृदुंगाच्या गजराच्या भक्तिमय वातावरणात छत्रपति शिवरायांची पालखीत मिरवणुक काढण्यात आली. तसेच या कार्यक्रमात महिला बचत गट, शिक्षक वृंद, महिला भजन मंडळ, वारकरी मंडळी व तरुण वर्ग, तसेच ढोल भजणी मंडळ व गावकरी यांनी उत्स्फूर्त प्रतिसाद दिला.