केज :- तुतारीच्या सोबतीला हाताची साथ आहे. यात कोणीही शंका घेण्याची गरज नाही. असा स्पष्ट संदेश दोन दिवसांपूर्वी काँग्रेसच्या नेत्या खासदार रजनीताई पाटील व बीड लोकसभेचे महाविकास आघाडीचे उमेदवार बजरंग सोनवणे यांच्या भेटीतून जनतेत गेला आहे. तर काँग्रेसचे युवा नेते राहुल सोनवणे व बजरंग सोनवणे या दोघा सोनवणे बंधूंनी गळाभेट घेत आपल्या समर्थकांना दिलेला दिलजमाईचा संदेशही चर्चेचा विषय ठरला आहे.
केज नगरपंचायतीच्या व सारणी ग्रामपंचायतीच्या निवडणुकीत बजरंग सोनवणे व राहुल सोनवणे हे एकमेकांच्या राजकीय विरोधकांच्या भूमिकेत दिसून आले होते. या दोन्ही निवडणुकीनंतर दोघे एकत्र आले नव्हते. मात्र राष्ट्रवादी काँग्रेस पक्ष शरद पवार गटाकडून बजरंग बप्पा सोनवणे यांना उमेदवारी जाहीर झाल्यानंतर महाविकास आघाडीतील काँग्रेस आय सोबत असण्याबद्दल कोणाचेही दुमत नव्हते. परंतु काँग्रेस नेत्या खा. रजनीताई पाटील यांचे अत्यंत विश्वासू असलेले राहुल सोनवणे व बजरंग सोनवणे यांचे संबंध मागील काही निवडणुकांमधून ताणले गेले होते. त्यामुळे या लोकसभा निवडणुकीत त्यांच्या भूमिकेकडे राजकीय जाणकारांचे लक्ष होते.
दोन दिवसांपूर्वी बजरंग सोनवणे यांनी खा. रजनीताई पाटील यांची भेट घेऊन त्यांनी त्यांचे आशीर्वाद घेतले. यावेळी उपस्थित असलेले राहुल सोनवणे व भेटीसाठी आलेले बजरंग सोनवणे या दोघांनीही राजकीय परिपक्वतेचा परिचय देत कोणतीही चर्चा न करता एकमेकांची गळाभेट घेतली. या गळाभेटीतून त्यांनी आपल्या कार्यकर्त्यांना आता एकत्रित काम करायचे आहे. असा संदेश दिला आहे. एकूणच दोघांच्या एकत्रित येण्याचा फायदा महाविकास आघाडीचे उमेदवार बजरंग सोनवणे यांना होणार आहे.
Related posts:
घाट शीळ पारगांव येथील आरोपीस कठोर शासन करावे एकल महिला संघटनेचे तहसीदार यांना निवेदन.
” स्वाभिमानी” च्या आंदोलनाचे सकारात्मक परिणाम. रस्त्यांच्या डांबरीकरण व दुरूस्तीसाठी १२, कोटी ४० लाख रु.चे प्रस्ताव मंजुरीसाठी जिल्हाधिकारी बीड यांचेकडे सादर.
*पिंपळगाव येथील महालक्ष्मी महिला बचत गट व येडेश्वरी महिला बचत गटांकडून स्वच्छता मोहीम यशस्वी*
*अबकी बार भाजप करा तडीपार – माजी आ. पृथ्वीराज साठे* *केजच्या आमदार फक्त गुत्तेदार पोसतात – माजी आ. साठेंचा आरोप* ————————————–
