दिवंगत लोकनेते विनायकराव मेटे यांच्या पत्नी तथा शिवसंग्रामच्या सर्वेसर्वा डॉक्टर ज्योती मेटे उतरणार लोकसभेच्या रिंगणात !

धनंजय कुलकर्णी-उपसंपाद्क ,दै.महाराष्ट्र सूर्योदय

दिवंगत लोकनेते विनायकराव मेटे यांच्या पत्नी तथा शिवसंग्रामच्या सर्वेसर्वा डॉक्टर ज्योती मेटे उतरणार लोकसभेच्या रिंगणात !

बीड (प्रतिनिधी):-. ज्योती मेटे यांनी अप्पर सहकार विभागाच्या सहनिबंधकपदाचा राजीनामा देत स्वेच्छानिवृत्ती घेतली आहे. संबंधित विभागाने ज्योती मेटे यांचा राजीनामा स्वीकारल्याची प्राथमिक माहिती समोर आली आहे.

यामुळे ज्योती मेटे यांचा लोकसभा निवडणूक लढवण्याचा मार्ग आता मोकळा झाला असून त्यांच्या बीड लोकसभा निवडणूक लढवण्याच्या शक्यतेवर शिक्कामोर्तब झाला आहे. यातच ते शरद पवार गटाकडून लोकसभा निवडणूक लढू शकतात अशी चर्चा आहे. मात्र या चर्चेला अद्याप पूर्णविराम मिळाले नाही. एक चर्चा अशी आहे की, त्या मनोज जरांगे पाटलांचा अपक्ष झेंडा हाती घेऊ शकतात. मात्र ही अद्यापही फक्त चर्चाच आहे.

दरम्यान, राजीनामा देण्याआधी माध्यमांशी संवाद साधताना लोकसभा निवडणूक लढवण्याबाबत ज्योती मेटे म्हणाल्या की, ”गेल्या अनेक दिवसांची पोकळी भरून काढण्यासाठी आता मी ठरवलं आहे. त्यामुळे मी आता यापुढे पूर्णपणे राजकीय काम करणार आहे.” यावेळी ज्योती मेटे शिवसंग्राम भवन येथे आल्या असता, तिथे उपथित कार्यकर्त्यांनी ‘बिड का खासदार कैसा हो, ज्योती मेटे जैसा हो’, असं म्हणत घोषणाबाजी देखील केली.