धनंजय कुलकर्णी-उपसंपादक,दै.महाराष्ट्र सूर्योदय
बीडमधून एक धक्कादायक बातमी : शिवसेना शिंदे गटाचे उपजिल्हाप्रमुख ज्ञानेश्वर खांडे यांच्यावर प्राणघातक हल्ला
बीड(प्रतिनिधी):- बीडमध्ये शिवसेना शिंदे गटाचे उपजिल्हाप्रमुख ज्ञानेश्वर खांडे यांच्यावर प्राणघातक हल्ला करण्यात आल्याची घटना काल (बुधवार, ३ एप्रिल) सायंकाळी घडली. गाडी अडवून सात ते आठ जणांनी लोखंडी रॉडने जबर मारहाण केली असून या हल्ल्यात ज्ञानेश्वर खांडे हे गंभीर जखमी झाले आहेत.
काय आहे प्रकरण?
याबाबत अधिक माहिती अशी की, बीड येथील शिवसेना शिंदे गटाचे उपजिल्हाप्रमुख ज्ञानेश्वर खांडे काल (ता. ३ एप्रिल) बीडमधून म्हाळस जवळा या आपल्या गावाकडे जात होते. बीडपासून जवळच काही अंतरावर त्यांच्या गाडीला काही जणांनी हात करुन गाडी थांबवण्याचा इशारा केला. खांडे यांनी गाडी थांबवताच त्यांच्यावर काठ्या, लोखंडी रॉडने हल्ला चढवण्यात आला.
तसेच ज्ञानेश्वर खांडे यांच्यासोबत असलेल्या इतर दोघांनाही बेदम मारहाण करण्यात आली. या हल्ल्यामध्ये खांडे हे गंभीर जखमी झाले आहेत. सध्या त्यांच्यावर बीडच्या जिल्हा रुग्णालयात उपचार करण्यात येत आहेत. दरम्यान या हल्ल्या मागचे नेमके कारण अद्याप स्पष्ट झालेले नाही.
Related posts:
माजी मंत्री सुधीर मुनगंटीवार यांची बहीण आणि मेहुणे अपघातात ठार.
राज्यात उन्हात कहर बहुतांश भागात पारा 45 अंशांपर्यंत; राज्यात उष्माघातामुळे आतापर्यंत चार जणांचे बळी
पंकजा मुंडे आजच्या पत्रकार परिषदेमध्ये नेमकं काय बोलणार? याकडे राज्याचं लक्ष
सामाजिक कार्यकर्ते राम खाडे यांची गाडी पेट्रोल टाकून जाळण्याचा प्रयत्न
