सोलापूर संपादक- महेश पवार
प्रतिनिधी- संतोष विभूते
एच सी सी इंग्लिश मीडियम स्कूल नान्नज येथे जागतिक मराठी भाषा गौरव दिन उत्साहात साजरा करण्यात आला . कार्यक्रमासाठी प्रमुख पाहुण्या म्हणून दी मेरी बी हार्डिंग अध्यापक विद्यालय सोलापूरच्या प्राचार्या रुपश्री येवलेकर या होत्या. त्यांच्या हस्ते कुसुमाग्रजांच्या प्रतिमेला पुष्पहार अर्पण करून कार्यक्रमाची सुरुवात करण्यात आली . त्यानंतर विद्यार्थ्यांनी मराठी भाषा गौरव गीत , लोकनृत्य तसेच लेझीम आणि झाज पथकाने बहारदार प्रदर्शन केले. या कार्यक्रम प्रसंगी प्रशालेचे कार्यवाहक विश्वास भास्कर प्रशालेच्या समन्वयक कु स्नेहल मासिह , नागमनी पडलेकर हे उपस्थित होते . कार्यक्रमाचे सूत्रसंचालन इयत्ता नववी ची विद्यार्थिनी कु श्रावणी पाटील हिने केले तर इयत्ता सहावी ची विद्यार्थिनी कु संस्कृती पाटील हिने आपले मनोगत व्यक्त केले . विद्यार्थ्यांच्या उत्कृष्ट प्रदर्शनाबद्दल प्रमुख पाहुण्यांनी त्यांचे भरभरून कौतुक केले . कार्यक्रमाच्या यशस्वीतेसाठी विश्वास भास्कर सर तसेच सर्व शिक्षक वृंद विशेषतः यल्लो हाऊस च्या शिक्षकानी तसेच शिक्षकेतर कर्मचाऱ्यांनी विशेष परिश्रम घेतले .आभारप्रदर्शन सहशिक्षिका उषा लोंढे यांनी केले.